Dugal itu unik banar urangnya. Bulik
bagawi kamarian sawat haja inya kalunyur-kalunyur bajalanan. Imbah Ashar kaya
samalam.
Tumat rumahnya basapida mutur buruk lalu
lacit ampah ka Kalumpang sana. Ujar kakanakan Dugal katuju Jalan Jalan Sore (JJS).
Dugal baalasan inya mancari inspirasi
wan ilham. Basapida mutur ada saku bapuluh-puluh pal. Babuang-buang binsin haja,
hasilnya kadada.
Mulai Hangkinang, Taniran, Wawaran,
Sungai Kupang, Taluk Aman, Pandai, Hamawang, Wasah, Sirih, dan Kalumpang.
Imbahitu babulik liwat Simpur, Sungai
Raya, Jembatan Merah, Kaliring, Karang Jawa, rabihi, Bajarung, ka Hangkinang.
Sampai ka rumah parak Maghrib.
Itu dilakuakan Dugal tampulu masih balum
baisi kawan di rumah. Kaina ujar Dugal amun sudah bakawan apa ngalih, amun kaya
itu tarus gawian. (akhmad husaini)
Tidak ada komentar:
Posting Komentar