Ada waktunya makan kada baiwak. Kaya nang
dialami Dugal baisukan Ahad. Daripada kalaparan. Untung hidup di kampung, masih
ada kawan makan nasi.
Ka balakang rumah cari bayam, kangkung
wan daun gumbili. Imbah dibasuh di pabanyuan, lalu ada minyak sadikit balalu disanga.
Imbah itu dicampur nasi nang sudah dibari uyah.
Lalu diharu sampai rata, bila asa pas
lalu dibangkit, siap gasan dimakan. Dimakan napa adanya, kada kalah lawan nasi goreng, ini kada apa-apa. Asal parut
kada garurukan, sakadar mangaramputi parut haja.
Mudahan kaina hari-hari barikutnya ada
rajaki gasan nukar iwak gasan makan. Kuat gasan manjalanakan amal ibadah. (ahu)
Tidak ada komentar:
Posting Komentar