Pada jaman dahulu diadaakan Lumba
Balalajuan Bukah dalam rangka Hari Jadi Kampung Liang Naga. Kada kaya biasa
Lumba Balalajuan Bukah nintu diumpati wan dirasmiakan ulih Pambakal Liang Naga,
Utuh Sudur.
Salain umpat hadir, pada lumba tarsabut
Pambakal Utuh Sudur jua manyumbang banyak hadiah gasan pasarta Lumba Balalajuan
Bukah.
Banyak pasarta nang umpat lumba nintu,
salain warga kampung Liang Naga, ada jua babarapa warga kampung nang ada di subalahnya.
Namun ada warga kampung Liang Naga nang
bangaran Undat, gagarunum malihat kalakuan pambakalnya nang lain pada biasanya.
Manurut Undat, nia kaya paribasa ada
hundang dibalik batu. “Sidin ti handak mancalun pulang jadi pambakal, jadi
sidin mancari muha lawan warga pas ada Lumba Balalajuan Bukah,” ujar Undat.
Supaya kaina bisa tapilih pulang nang kadua
kalinya. Masiam ujar Undat sudah babarapa kali diadakan Lumba Balalajuan Bukah,
sidin kada biasa umpat.
Pada hari H Lumba Balalajuan Bukah tatap
dilaksanaakan sasuai rancana. Rami banar warga pada hari itu, ada nang umpat
lumba wan dapat hadiah. Ada jua nang bajualan makanan wan minuman nang payu
ditukari urang.
Tapi ada jua nang kada katuju lawan
kalakuan Pambakal Liang Naga, Utuh Sudur, marga maakali warga, mancari simpati
warga malalui Lumba Balalajuan Bukah supaya kaina tapilih pulang jadi pambakal.
(akhmad husaini)
Tidak ada komentar:
Posting Komentar