Sungsung Dugal lawan bininya Aluh Lantih
tulak ka pahumaan. Hari itu inya maupah batanam sabanyak talu urang. Pahumaan
Dugal bajarak sakitar satangah pal pada rumah.
Kasana Dugal bajalan batis haja. Dugal mambawa
cucut baisi banyu tih. Samantara nang bini mambawa jintingan palastik baisi
wadai wan nasi bungkus gasan upahan. Sampai di pahumaan barang nang dibawa tadi
diandak ka pahumaan. Imbahitu Dugal wan nang bini mahambur banih. Ada saku lima
burungan nang balum ditanami.
Sabalumnya sudah ditanami saurang,
hari-hari imbah bulik bagawi. Jadi ada waktu wan rajaki inya maupah. Mangurangi
gawian. Upahan kali ini buhan bibinian haja, sudah balaki barataan.
Singkat kisah waktu handak istirahat,
bini Dugal gigir. Sabuting nasi bungkus nang handak dijurung ka upahan dibagian
bawahnya baluang.
Tanyata mantuk di kurikih kucing.
Iwaknya kadada lagi, tatinggal nasi wan sambalnya haja. Untung basangu balabih,
jadi sabungkus tapaksa dibuang. (akhmad husaini)
Tidak ada komentar:
Posting Komentar