Umanya Utui
maulah pais
Jumlahnya talung
puluh biji
Hari ini umpat
manangis
Malihat kawan
datang naik haji
Malihat nang
anih tahiran-hiran
Imbah baranak
mamatak tambuni
Rumah talihat
bahamburan
Marga kulir
manyimpuni
Tulak ka Nagara
maulah lading
Mambawa wasi
dipundut kain
Akai-akai
bungasnya di ading
Kada manyama lawan
nang lain
Suara dauh pina
gumbab
Dilihat bahimat
kalu carik
Liwar himung
baisi bini bajilbab
Ditambah ahlaknya
nang baik
Kalayangan tarabang
pina piri
Baiki banangnya
gasan dicabut
Kamarian Ahad
manjatu kasturi
Bila angin ribut
rami barabut
Maunjun papuyu
dihari carah
Dapat saikung
dimakan biuku
Maulah pantun
sasain bagairah
Mudahan takumpul
diulah buku
Liwar mantingur
kantut gubang
Datang dihaga
ulih minjangan
Urang di masigit
sudah bang
Ayu lakasi kita
sambahiyangan
Siang malam main
badaku
Imbah bulik
disariki nini
Bibinian itu
baik wan aku
Caka aku sugih
diambil bini
Tidak ada komentar:
Posting Komentar